::سازی ئاواره‌::

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

سازی ئاواره‌

وەرن ئه‌ی سازی ئاواره‌ به هانای سۆزی گریانم
دڵم به‌سته‌ی ده‌وێ ئه‌مڕۆ به جێ دێڵم موکریانم

وه‌کوو هه‌نگاوه‌ کانیشم ده‌له‌رزێ وه دڵ و ده‌نگم
ده‌با وێنه‌ی منی کۆچه‌ر بناڵێ سازی دڵته‌نگم

به‌ سه‌ر ئه‌م خاکه شیرینه نیگای رێبواری من ده‌کشێ
له یادم دا بمێنێ با له ئاخر دیمه‌نی نه‌خشێ

ئه‌گه‌رچێ نایه‌ڵێ ئه‌سرین ببینم دیمه‌نی شاری
که‌چی پێم خۆشه ماچی که‌م ته‌واوی داری و دیواری

به قوربان خاکی ره‌نگینی موکریان و مه‌هابادی
ده‌ڕۆم و هه‌ر ئه‌ویندارم به شاری شێعر و ئازادی

مه‌هاباده قه‌لای جوانی هه‌وارگه‌ی شێعر و گۆرانی
له مێژووی نیشتیمانم دا تروسکه‌ی دێ چراکانی

- ما مۆستا شه ریف حسێن په ناهی

Writing at: 22 / 8 / 1391برچسب:سازی ئاواره‌,ما مۆستا شه ریف حسێن په ناهی,شێعر كوردي,وینه,

Time: By: محمد پیش بینی| |

خانمه‌ موزیكژه‌نی كورد تارا جاف

Writing at: 22 / 8 / 1391برچسب:خانمه‌ موزیكژه‌نی كورد تارا جاف,تارا جاف,وینه,

Time: By: محمد پیش بینی| |

مردن گوليكه هه رده م بونداره بو بون كردني گشت كه س به شداره

Writing at: 22 / 8 / 1391برچسب:مردن گوليكه هه رده م بونداره بو بون كردني گشت كه س به شداره,وینه,

Time: By: محمد پیش بینی| |

شێرکۆ بێکه‌س

گه رگه‌ڕای به‌شوێن پاییزدا
مه‌چۆ بۆ‌هیچ شوێنێکی تر
دڵم نه‌بێ
گه‌ر گه‌ڕای به‌شوێن به‌هاردا
بۆ هه‌رشوێنێ ئه‌چی بچۆ

دڵم نه‌بێ !

شێرکۆ بێکه‌س

Writing at: 22 / 8 / 1391برچسب:شێرکۆ بێکه‌س,شێعر كوردي,وینه,

Time: By: محمد پیش بینی| |

خۆزگه‌ باران ده‌يزانی، باڵنده‌ كراسی زياده‌ی بۆ گۆڕين نييە.

Writing at: 22 / 8 / 1391برچسب:خۆزگه‌ باران ده‌يزانی, باڵنده‌ كراسی زياده‌ی بۆ گۆڕين نييە,وینه,

Time: By: محمد پیش بینی| |

هۆنراوەیک لە حەزرەتی وەفایی

بە گوڵزاری ئیرەم قوربان!دەپرسی گەر لە ئەحواڵم
نەخۆش و سەرخۆش و مەست و خوماری چاوەکەی کاڵم
پەرێشانم،بڵاوم،تێك شکاوم،خاو و شێواوم
دەڵێی شاماری زولفی تۆم لە دووی تۆ شێت و عەبداڵم
بە نازی چاوەکەی وەک بازی،بازی دام هەتا پیر بووم
دەترسم هەر بە بازی بمکوژێ ئەو یاری منداڵم
نە داغی جەرگی خۆم زانی،نە مایەی بەرگی خوێنینم
شەهیدی دەشتی عیشقم،لالە رەنگینم،من کەڕ و لاڵم
دڵەی بێ‌هۆش و گۆشم موددەتێکە هەر دەناڵێنێ
خودا روحمێ بکەی بەو مورغی حەپسی بێ‌پەڕ و باڵم
بفەرموو یا پەرێشانم نەکا زولفت لەسەر رووی تۆ
ئەمان یا کاشیفی زوڵمەت!دەخیل ئەی شەوچرای ماڵم!
بۆ خۆت سەرمەشقی زولف و دەرسی باڵات دام و ئەز چ‌بکەم؟
نشانە و دەست‌خەتی خۆتە ئەگەر ئەلفم ئەگەر دالم
ئەمن ئوفتادە بووم تۆ خۆت بە رووحمت دەست‌گیرم بووی
پەشیمانی نە شێوەی تۆیە،ئەی خورشیدی ئیقباڵم!
ئیشارەی چاو و عیشوەی زولفەکەت بوون مورشیدی رێگام
ئەگەر دەیری موغان قیبلەم،ئەگەر زوننارە بەرماڵم
بە تیغی غەمزە ئەمن و تورکی رووی تۆ قەت مەڵێ، قوربان!
ئەگەر قیمەم بکەن هەر رۆژپەرەستم،هەر بە یەک حاڵم
ئەمن هەر تۆم دەوێ، من چم لە رووحم و چم لە دین داوە؟
بە قوربانی تەماشایێکی تۆ سەد جار سەر و ماڵم
لە تاو دەردی دڵی دێوانە خوێن دەگریەم و نازانم
نە خەستەی چاوەکەی مەستم،نە رەنجەی پەنجەکەی ئاڵم
بە مەرگی من بە رەمزێکی بڵێ بەو چاوە حاڵیم کا
ئەتۆ نازدار و بیماری ئەمن بۆچ زار و بێ‌حاڵم
کوتی بۆ کوێ دەبەی رووحت وەفایی؟دەوریان گرتی
نیزامی پەرچەم و سەربازی زولف و عەسکەری خاڵم

Writing at: 21 / 8 / 1391برچسب:بە گوڵزاری ئیرەم قوربان!دەپرسی گەر لە ئەحواڵم,شێعر كوردي,حەزرەتی وەفایی,

Time: By: محمد پیش بینی| |

وەفایی

بــە عـــیـشــوە زولــفی لادا لـەســە عــوزار و زاری
دوگمەی کراســی ترازا ، بــزووت هــەوای بەهــاری
کە شـــەو بەیــانی بەردا گــوڵ و وەنـەوشــە بــاری
ســەودای بە عاشــقان دا باغـــی گــوڵ و هەناری
دونیایەک ئینتیزاری ، شیرین تەشی دەرێسێ !!!

"وەفایی"

Writing at: 18 / 8 / 1391برچسب:وەفایی, شێعر,,

Time: By: محمد پیش بینی| |

شعر پاییز

آسمانش را گرفته تنگ در آغوش
ابر؛ با آن پوستین سردِ نمناکش
باغ بی برگی،
روز و شب تنهاست،
با سکوت پاکِ غمناکش
سازِ او باران، سرودش باد
جامه اش شولای عریانی‌ست
ورجز،اینش جامه ای باید
بافته بس شعله ی زرتار پودش باد
گو بروید ، هرچه در هر جا که خواهد ، یا نمی خواهد
باغبان و رهگذران نیست
باغ نومیدان
چشم در راه بهاری نیست
گر زچشمش پرتو گرمی نمی تابد،
ور برویش برگ لبخندی نمی روید،
باغ بی برگی که می گوید که زیبا نیست؟
داستان از میوه های سربه گردونسای اینک خفته در تابوت پست خاک می گوید
باغ بی برگی
خنده اش خونیست اشک آمیز
جاودان بر اسب یال افشان زردش میچمد در آن
پادشاه فصلها،پاییز.

Writing at: 15 / 8 / 1391برچسب:شعر پاییز,

Time: By: محمد پیش بینی| |

این کهنه رباط را که عالم نام است

این کهنه رباط را که عالم نام است
و آرامگه ابلق صبح و شام است
بزمی است که وامانده‌ی صد جمشید است
گوری است که خوابگاه صد بهرام است
(خیام)

ئه‌م کۆنه سه‌راپه‌رده که دنیای ناوه
شایی له به‌رێک، شینه له پێنسه‌د لاوه
ئه‌م خوانچه‌یه به‌رماوی هه‌زار جه‌مشیده
گۆڕه و گه‌لێ بارامی تیا نێژراوه
(مامۆستا هه‌ژار)

ئه‌م سه‌را کۆنه‌ی ناوی جیهانه
له ‌سه‌ر ڕێی گه‌شتی شه‌و و ڕۆژمانه
به‌زمێکه له سه‌د جه‌مشید جێ ماوه
سه‌د به‌هرام هات و چوو له‌م وێرانه
(مامۆستا گۆران)

ئه‌م که‌لاوه‌یه که دنیای نامه
ئارامگاهی به‌یانی و شامه
به‌زمێکه له سه‌د جه‌مشید جێ ماوه
قه‌سرێکه ته‌کیه‌ی سێ‌سه‌د به‌هرامه
(شێخ سه‌لام)

Writing at: 15 / 8 / 1391برچسب:این کهنه رباط را که عالم نام است,ئه‌م کۆنه سه‌راپه‌رده که دنیای ناوه,شێعر,چوارینەی حکیم عمر خەییام,

Time: By: محمد پیش بینی| |

شه‌وگاری ته‌نیایی

شه‌وگاری ته‌نیایی

هه‌تا نێڵه‌ی نه‌یه‌ ئاورگی دڵ، چه‌م پڕ له‌ نه‌م نابێ
هه‌تا نه‌م دا نه‌بارێ تینی ئه‌م ئاورگه‌ که‌م نابێ

له‌ناو ئاورینگ و ئاونگا شه‌وم ڕاده‌برێ بێ هه‌مده‌م
به‌ڵێ شه‌وگاری ته‌نیایی به‌بێ فرمێسک و خه‌م نابێ

سته‌مکاری منی دوور خسته‌وه‌ له‌و یاره‌ شیرینه‌م
...
ئیتر من چۆن ڕقی زۆرم له‌ ئازار و سته‌م نابێ ؟

ئه‌وی سه‌ربه‌رزه‌ له‌م وێرانه‌دا تووشی خه‌م و ده‌رده‌
چیای سه‌رکه‌ش ببینه‌ قه‌ت سه‌ری بێ هه‌ور و ته‌م نابێ

له‌ ناو ده‌ریای خه‌یاڵم دیمه‌وه‌ من گه‌وهه‌ری نایاب
هه‌مه‌ گه‌وهه‌ر، ئیتر چاوم له‌ دینار و دره‌م نابێ

وه‌ره‌ ناو باوه‌شی گه‌رم و گوڕ و پڕ تاسه‌ و مه‌یلم
ڕه‌دیفیش تێک بچێ پێم خۆشه‌ من ده‌ستم له‌ مه‌م دابێ

وه‌ره‌ با هه‌ڵمژم ئه‌و لێوه‌ شیرینه‌ت‌ به‌ که‌یفی خۆم
له‌ پاش ئه‌و تاڵییه‌ با من ده‌مێک شه‌کرم له‌ ده‌م دابێ

په‌له‌ت بێ، چاوه‌ڕێتم، زوو وه‌ره‌، به‌س خۆت بخافڵێنه‌
هه‌زار جار « هێمن»یش بم بۆ ویسالت چۆن په‌له‌م نابێ؟

ماموستا هێمن

Writing at: 15 / 8 / 1391برچسب:شه‌وگاری ته‌نیایی,هێمن,شێعر كوردي,,

Time: By: محمد پیش بینی| |

کاتێک بینیم گەڵاکان زەردەبن و هەڵدەوەرن ...

کاتێک بینیم گەڵاکان زەردەبن و هەڵدەوەرن ... زانیم خەمەکانیش وەرزێکیان هەیە تا لە گەشە بکەون و هەڵوەرن .... ئێستا تێگەیشتی هاوری ئەزیزم من بۆچی ئیشقی پاييزم.؟؟

Writing at: 15 / 8 / 1391برچسب:شێعر,وینه,ووته‌ به‌نر‌خه‌کان,کاتێک بینیم گەڵاکان زەردەبن و هەڵدەوەرن ,,, ,

Time: By: محمد پیش بینی| |

چاوه‌که‌م زانیوته‌ بۆچی خه‌و له‌ چاوم ناکه‌وێ

چاوه‌که‌م زانیوته‌ بۆچی خه‌و له‌ چاوم ناکه‌وێ
چونکه‌ من پێشخزمه‌تم، پێشخزمه‌تان نانوون شه‌وێ
ڕۆژ و شه‌و دایم له‌به‌ر دیده‌ی خه‌یاڵم حازری
سا چ فه‌رقێکی هه‌یه‌ بۆ من ئیتر ئێره‌ و ئه‌وێ
بەس نییە لێرە دەوێرم جار بە جار باست بکەم
نەمدەوێرا قەت لەبەر ئەغیار کە ناوت بەم لەوێ
دڵ لەبەر زامی فیراقت دائیما زاری دەکا
ڕۆژ بە ڕۆژ مەنعی دەکەم، باز دەردی سە

ختە و ناسرەوێ
عەقڵ و هۆشم داوە پێت، لێشی دەتۆرێی ماڵوێران
دەوڵەتێکی مفت بێ ساحێبە بۆچی ناتەوێ
گەر موخەییەر بم لە مابەینی بەهەشت و وەسڵی یار
وەسڵی تۆ بۆ من جەهەننەم پڕ لە جەننەت نامەوێ
ئەی ڕەقیب وێڵم لە دەستت لێرە بۆ لێم ناگەڕێی
باوکەکوشتەت نیم ئەرێ هەی بەدمەزەب چیت لێم دەوێ؟
هەر وەکوو کۆهی دەماوەندی سەرم پڕ شۆڕشه
قەت تەمی هیجران و غەم ساتێ لە دەوری ناڕەوێ
گەردنی (کوردی) لە کێوی بێستوون موحکەمتره
چونکە سەد ساڵە لەژێر بای غەمایە و نانەوێ

Writing at: 15 / 8 / 1391برچسب:چاوه‌که‌م زانیوته‌ بۆچی خه‌و له‌ چاوم ناکه‌وێ,شێعر كوردي,کوردی,

Time: By: محمد پیش بینی| |

هەمیشە وەک نێرگز خۆت دەربخە

هەمیشە وەک نێرگز خۆت دەربخە
چەند بێ خزمەت و بێ کەسە، بەڵام کاتێک سەر دەر ئەکات خەڵکی بە پەرۆشن بۆ بینینی و بۆن کردنی

Writing at: 15 / 8 / 1391برچسب:هەمیشە وەک نێرگز خۆت دەربخە,

Time: By: محمد پیش بینی| |

جه‌ژنی سالیادی له دایک بونی رۆژین

رۆژین

ئەی دیدە پەری

ئــەی دیدە پــــەری بەو دەمـــــە بەو کوڵمە گوڵینە

بـــــۆکەس نیە تاسەر،ئەوەرێ، ئەم گوڵــــــی ژینە

تـــــاسەرنیە ئــــەم نـــــازە ، وەهـــا دووری مەبینە

ئەو چــاوە گــەلاوێــــژە خـــــەڵاتــــــی کـــــــە برینە

ئەو زووڵفە کە ئێساکە دووتوێـــــی عەمبەری چینە

رۆژێــــــکی کە دێ، تێکەڵی توێی خـــاکی زەمینە

یەو گــــــەردەنە بێگەردە کــــــــە وەك تەختی بلورە

ئــــــەو لێوە کـــــە وەك خونچە تەر و ناسك و سورە

ئێستاکە بەبـــــێ رەحمی سزای جــــــەور و فتورە

لای وایـــــە کە ژین فـــــانی نیەو رێـــــــــگای دوورە

نــــــــایزانێ کە هەر پەنجێ لـــــەم خاکی زەنمینە

کوڵمی دەهەزار(لەیل) و دەمی سەد(مەم و زین)ە

ئەمرۆ دڵــــــی بێچارە ئەبـــــەی ئەیخەیتە نــــــاوداو

نــــایزانــــی سبەینێ ئەکـــــەوی سەرکز و دامــــاو

ئەو جوانیە ئەروات و لـــەچــــاو گومەبێ وەك ئــــــاو

ئــــــەورۆژە ئەبــــــێ دائیمە هـــــەر بێنیە بەرچــــاو

تا رەحمێ بــــکەی ئێستا کـــــە بـــــەم زام و برینە

سەرکز نەبـــــی لەو جێگە بــــــێ سامانی زەمینە

ئــەم چـــەند قسەیەم و توە بـــــەتۆ ئێسە بەچاکی

گەرچـــی ئەشیزانم دڵــــی بـــــــەردت نییە بــاکی

مەروانـەرە ئەمرۆ کـــە بــــەروومـەت گوڵــــــی تاکی

بروانــــە سبەینێ کــــــە لەنــــــاو دامەنــــی خاکی

سەد لـــــەیلی وەك تـــــۆ بووە لــەم رۆشنی ژینە

ئێستاکــــــە لەنـــاو جەرگەیـــــی تــــاریکی زەمینە

Writing at: 8 / 8 / 1391برچسب:جه‌ژنی سالیادی له دایک بونی رۆژین, شێعر کوردی, ئەحمەد هەردی ,

Time: By: محمد پیش بینی| |

دوو چاوم خوێن ئه‌بارێنێ له‌ عه‌شقی ڕوومه‌تی ئاڵت

گرفتاره‌ له‌ ناو زوڵفت دڵم بۆ دانه‌یی خاڵت

خوا که‌ی بێت که‌ من په‌شتانی باڵاو قامه‌تی تۆ بم

چ وه‌ختێ پڕ به‌ چنگ بگرم دوو لیمۆی نه‌وره‌سی کاڵت

نه‌خۆشی خۆشتره‌ لای من له‌ ساغی و سیححه‌ت ئه‌ی جانا

ئه‌گه‌ر یه‌ك هه‌فته‌ جارێك بێی بپرسی چۆنه‌ ئه‌حواڵت

به‌ شاهی عاله‌می ناگۆڕمه‌وه‌ ئه‌مڕۆ له‌ دنیادا

جنێو و توندیی و قه‌هر و قسه‌ی نالایه‌ق و تاڵت

نیگارا لێم ئه‌پرسی بۆچی وا دێوانه‌یه‌ ئه‌حمه‌د

له‌ عه‌شقی چاوی تۆیه‌ چاوه‌که‌م وا بووم به‌ عه‌وداڵت

ئەحمد موختار جاف

Writing at: 3 / 8 / 1391برچسب: دوو چاوم خوێن ئه‌بارێنێ له‌ عه‌شقی ڕوومه‌تی ئاڵت,شێعر کوردی, ئەحمەد به‌گی جاف ,

Time: By: محمد پیش بینی| |

خونچە دڵ بونم لەحەسرت لێــــــــوی تــۆیە، غونچە دەم..!

خەنچەکی تۆ مەرشیفادا جونچەکەم ، ئـــەی غونچەکەم..!

سینە چاکم وەك گـــوڵ و ، دڵ پر لــــــەخوێنم خونچەوەش

بێ گوڵــی روخسارو خونچەی لێـــــــوت ، قوربـــــــانی بم

غولغولی بولبول لەعیشقی گـــــــوڵ نەبــــو لەم صوبحەدا

شەعشەعەی ئەو غەبغەبە کەویبوە سەر ئـــەم باغە هەم

لاڵە بێ لالەی رووحت (مەحوی) وەکــو مـــــورغی خەمۆش

مەربەچاکی سینە وەك گوڵ شەرعی دووری کـــــا ، صەنەم

مــــــــەحـــــــوی

Writing at: 3 / 8 / 1391برچسب: خونچە دڵ بونم لەحەسرت لێــــــــوی تــۆیە, غونچە دەم,شێعر کوردی,مه‌حوی,

Time: By: محمد پیش بینی| |

ئەلائەی نازەنینی شۆخی شۆخان

غەزالە تاقەکەی سەربەندی کوێستان

مەکانت کونجی دڵمە،زۆر نزیکی

لە بەر چی نابییەی ئاوازی گریان ؟

بە خەم گەر بمکوژی،ئەو وەختە شادم

کە خاکێکم ئەبم بە تۆزی دامان

رەقیب ئەزانێ من لە لاتم !

کە بولبول دائیما، ها لە گوڵستان

لە کوشتن چون دەترسم رۆژێ سەدجار؟

کە لێوی تۆیه چەشمەی ئاوی حەیران

دڵ و گیانم بە پێشکەش قاسیدت کرد

خراپی کرد هەواڵی دا بە هەرزان

زەمانه ئیش و کاری هەر بەرعەکسە

چ نیسبەت (قانع)و عیشقی جوانان؟!

قانع

Writing at: 3 / 8 / 1391برچسب: ئەلائەی نازەنینی شۆخی شۆخان,شێعر کوردی,قانع,

Time: By: محمد پیش بینی| |

زۆر لـه مێـژه لـێڵ بوه چاوی دڵم له م شاره دا

کێ به هیوای ده رد نیه له م شاره پــڕ ئازاره دا

یه ک به یه ک تاری پـه راسوم هه ر وه کو سیم ده رکه وت

که س نه بو جارێ بهــێنێ پـه نجه یـێک به م تاره دا

ڕه ش بوه پــه رده ی خه یاڵی پـه نجه ره ی شیعری ته ڕم

ناهۆمــێدی دێ و له پشت ئه م پـه رده خۆی حاشار ه دا

ماڵی پــیری ئاوه دان رووی موی ره شی کردم سپی

خۆ ده نا ره شبین ده بوم له م خاکه چوار پــێنج پاره دا

هه ر که سێ دێ باسی مافی گه ل بکا، وه ک گورگی هار

ده م ده نــێنه حه نجه ره ی، کێ حه ق به گورگی هار ه دا؟

تاقمـێ دۆراو بـــڕێ گۆراو گه لیش بێ ده سته ڵات

بێ هه ده ف دێن و ده چن له م نا و خه تـی پــه رگاره دا

ئه سپـی ئاوه زیـان به ته نیا لنگ ئه ده ن وه ک که س نه بێ

مافی گه ل پـێ شێـل ده که ن به خودا فه قه ت له م غاره دا

هه ر به ته نیا عاشقانی دڵ به سۆن پـه روانه وار

ده وری شه معی خاکی کوردیان داوه له م شه وگاره دا

گه رچی هه ر سوتانه ده سره نجی پـه پـووله ی ئاشقیش

یان به شی تاراوگه یه له م خاکه پــڕ ئاواره دا

چ بکه م ئه و تیشکه ی که ئاسۆی ڕوون ده کرد نووری نه ما

نوور چلـۆن ده کشێ به سه ر باڵـی ده زووی کــۆلاره دا

ورمێ 24.6.91 هه تاوی

Writing at: 3 / 8 / 1391برچسب: زۆر لـه مێـژه لـێڵ بوه چاوی دڵم له م شاره دا,شێعر کوردی,سه‌عید نه‌جاری (ئاسۆ),

Time: By: محمد پیش بینی| |

گه‌یشتوم بە هەستی گه‌ڵایه‌ک کە ئه‌زانێ با لە هەر لایه‌که‌وە بێت کۆتاییەکەی هەر که‌وتنه

Writing at: 2 / 8 / 1391برچسب:گه‌یشتوم بە هەستی گه‌ڵایه‌ک کە ئه‌زانێ با لە هەر لایه‌که‌وە بێت کۆتاییەکەی هەر که‌وتنه,

Time: By: محمد پیش بینی| |