http://awenakurd.loxblog.com/ always

صنایع آلومنیوم
پیش بینی

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

google
گوگلي کوردي
NOW
اين وبلاگ را صفحه خانگي خود كنيد! ذخيره كردن صفحه! اضافه کردن اين وبلاگ به علاقه منديها! لينک RSS
Blog Categories
Follow M.Pishbini on
Google Plus Facebook Twitter Rss
Weather

 

باوه‌شێن

 

گوتم ده‌ردی ئه‌وینت، دڵ‌ته‌زێنه‌

گوتی ئه‌و ده‌رده‌ بۆ شیعرت، هه‌وێنه‌

گوتم ڕێژنه‌ی قژت، سایه‌ی سه‌رم بێ

گوتی ئه‌و سێبه‌ره‌، عیلله‌ت په‌ڕێنه‌

گوتم چاوی له‌ به‌ر هه‌ڵنایه‌ هه‌نیه‌ت

گوتی جه‌زبه‌ی هه‌یه‌، چاو هه‌ڵمه‌هێنه‌

گوتم تیری موژه‌ت، عاشق ده‌پێکێ

گوتی ئه‌و تیره‌، هه‌ر عاشق به‌ خوێنه‌

گوتم ئه‌و چاوه‌ بازانه‌ت منی کوشت

گوتی نێچیره‌ عه‌شقی ئه‌و شه‌هێنه‌

گوتم وه‌ک چی ده‌چێ ئه‌و کوڵمه‌ سووره‌ت

گوتی قیبله‌ی دڵه‌، سه‌ر دانه‌وێنه‌

گوتم عه‌تری هه‌ناسه‌ت، مه‌ستی کردم

گوتی ئه‌و عه‌تره‌، باده‌ی خه‌م‌ڕه‌وێنه‌

گوتم لێوت، وه‌کوو غونچه‌ی گوڵانه‌

گوتی غونچه‌ له‌ کوێ وا دڵ‌ڕفێنه‌؟

گوتم وه‌ک به‌ندی هه‌وری لاره‌ ده‌نگت

گوتی ئه‌و ده‌نگه‌، به‌ندی دڵ‌پسێنه‌

گوتم تا ده‌ست هه‌ڵێنی، به‌رزه‌ باڵات

گوتی ناگاتێ ده‌ستت، سه‌ر هه‌ڵێنه‌

گوتم بۆم‌ ده‌رخه‌، سێوی باغی سینگت

گوتی ده‌رنایه‌ وا زوو له‌و که‌لێنه‌

گوتم کۆن بوو له‌ دڵما ڕه‌نجی دووریت

گوتی شیعرێکی تازه‌م، بۆ وه‌خوێنه‌

گوتم گۆوه‌نده‌، بریا تۆم ده‌گه‌ڵ بای

گوتی یادێکی من، تاسه‌ ‌شکێنه‌

گوتم دامناوه‌ ئه‌مشه‌و بێمه‌ ژوانێ

گوتی نابیسی هه‌رگیز ئه‌م به‌ڵێنه‌

گوتم خۆزگه‌ له‌ ئامێزم ده‌گرتی

گوتی خه‌ونێکی خۆشه‌، مه‌یڕه‌وێنه‌

گوتم خۆ که‌عبه‌ که‌ج نابێ به‌ ماچێ

گوتی زیاتر له‌وه‌، پێ هه‌ڵمه‌هێنه‌

گوتم ئاهی "وه‌فا" ده‌ت‌پێکێ ئاخر

گوتی چه‌ند خۆشه‌ بای ئه‌و باوه‌شێنه‌

 



Writing at: 28 / 6 / 1391برچسب:باوه‌شێن,شێعر کوردی,Time: By: محمد پیش بینی| |


هەوری پاییز/مامۆستا گۆران

وتنی"مەرزیەی ڕەزازی"

 

له‌ ده‌ریاوه‌ قه‌تاری هه‌وری بارشت که‌وته‌ دووی پێشه‌نگ

به‌ سه‌ر سینگی چیادا چۆکی داداوه‌،کش و بێ ده‌نگ

به‌ سه‌ر پایزی زه‌ردا با به‌ خوڕ بگری، به‌ کوڵ بگری،

له‌ سه‌ر ئاخر گه‌ڵا،ئاخر چڵی ته‌نیایی گوڵ بگری،

به‌ خوڕ بگری،به‌ کوڵ بگری،به‌ سه‌ر ده‌شت و ده‌ری وشکا

به‌ سه‌ر داری گه‌ڵا زه‌ردا، به‌ سه‌ر پووشا،به‌ سه‌ر دڕکا،

به‌ سه‌ر سه‌رچاوه‌یی کزرا،به‌ سه‌ر زیخی چه‌می دێما،

به‌ سه‌ر هه‌ر وشکی پێکا وا له‌ هاوینی گه‌رم جێ ما

به‌ڵی بگری،به‌ کوڵ بگری،هه‌تا ئاخر دڵۆپ بگری،

به‌ گریه‌ی هه‌وری پایز با نوقم بێ سینه‌ی کزری!

به‌فر ئاسۆی بڵند بگرێته‌ چوارچێوه‌ی بلوورینی،

له‌ چه‌م هه‌ڵسێ خوڕه‌و هاژه‌ی شه‌پۆلی ئاوی خوێنینی!

دڵۆپی ساردو فێنک با له‌ سه‌ر دارو ده‌وه‌ن بڕژێ،

په‌پووله‌ی زه‌ردی ئاڵتوونی له‌ سه‌ر لق هه‌ڵوه‌رێ، بپژێ

به‌ڵێ! بگری هه‌ور،بارانی پایز بێ وچان بگری،

له‌ سه‌ر باغچه‌ی گوڵێ وا سیس ئه‌بێ ئاخر چڵی عومری!

بگرمێنێ،ته‌پ و نم دابکا،بیکاته‌ شه‌ست،هه‌رگیز،

نه‌وه‌ستێ قوڵپی گریانی،نه‌وه‌ستێ هه‌وره‌که‌ی پایز،

ته‌بیعه‌ت زه‌ردو ژاکاوه‌، له‌ حاڵی گیان که‌نشتایه‌،

نیشانه‌ی ماته‌می پایز له‌ فرمێسکی درشتایه‌



Writing at: 19 / 6 / 1391برچسب:هەوری پاییز/مامۆستا گوران,وتنی مەرزیەی ڕەزازی,شێعر کوردی,گۆران,Time: By: محمد پیش بینی| |


 

یاران وەسیەتم ئەمە بێ لاتان
هەر چەن کەوتوومە دوورە وڵاتان
تەنیا گۆڕکەم لە رێی خیڵان بێ
نزیک هەوارگەی جاف و گوران بێ
کیلێکی بەرزیش بە قەت باڵای(شەم)
لە ژوور سەرم بێ،بێ زیاد و بێ کەم

تاقێکیش وێنەی تاقی برۆی ئەو
کە سوجدەگاهی گیانم بێ بە شەو
بنووسن بە خوێن جەرگی سەر کردووم
کە من بە تیری دەستی(شەم) مردووم
چونکە ئەو(شەمە) تاتاری چینە
لە دەشت بێزارەو و چیا نشینە
بەڵکوو هەڵکەوێ لە راگۆزارێ
رێگای بخاتە سەر گۆڕم جارێ
بزانێ کوشتەی دەستی خۆیەتی
لە خاکا مەیلی رەنگ و بۆیەتی
جوابی پرسیاری گۆریشم وایە
یاری مەحشەرم شەری لەیلایە

هۆنراوەی"وەلی دێوانە"
وەرگێرانی"مامۆستا پیرەمێرد"
وتنی"مامۆستا کەریم کابان"



Writing at: 19 / 6 / 1391برچسب:یاران وەسیەتم ئەمە بێ لاتان ,شێعر کوردی,پیرەمێرد,وەلی دیوانە,Time: By: محمد پیش بینی| |


 چاوه‌که‌م ئه‌مڕۆ له‌گوڵشه‌ن، گوڵ به‌ عیشوه‌ خۆی نواند

نه‌ک نمه‌کگیر بم، به‌مه‌رگی تۆ قه‌سه‌م، هیچ نه‌مدواند
گوڵ به‌تۆزی پێته‌وه‌ لاف و گه‌زافی لێ ئه‌دا
وا شوکر سۆزه‌ی نه‌سیمت هات ئه‌ویشی لێ ستاند
نه‌شته‌ری موژگانی تۆ هاتوه‌ته‌ سه‌ر سه‌فحه‌ی دڵم
هه‌ر خه‌تێ بوو غه‌یری خه‌تتی سه‌بزی تۆ پاکی کڕاند
له‌شکری ئاهم له‌گه‌ڵ جه‌یشی حه‌به‌ش ده‌عوا ئه‌کا
حیره‌تم ماوه‌ که‌ چۆن ئه‌و دلبه‌ره‌ دڵمی رفاند؟!
بۆ گوڵی رووت هاتم و په‌رچه‌م ئه‌بینم بۆیه‌ وا
ماهی نه‌ورۆزم به‌ شیوه‌ن، وه‌ک موحه‌ڕڕه‌م خۆی نواند
تۆ له‌ئه‌وه‌ڵ گۆی وه‌فات هێنایه‌ ناو مه‌یدانه‌وه‌
ئێستا چه‌وگانی خیلافت پشتی سه‌د وه‌عده‌ی شکاند
تو خوا قه‌ت غیره‌ته‌ بۆ تۆ ئه‌رێ سه‌روی ره‌وان؟
گوڵ به‌ بێ تۆ وا له‌باغا خێوه‌تی خۆی لێ چه‌قاند
با وجود ئینساف بده‌م چاکه‌، گوڵیش موشتاقته‌
هه‌ر له‌ شه‌وقی تۆیه‌، سه‌رپۆش و گریبانی دڕاند
هه‌ر که‌سێ مایل به‌ بیرێکه‌ و ته‌ریقێکی هه‌یه‌
تۆ به‌شوعله‌ی غه‌م (حه‌ریق)یی وا وه‌جاغت هه‌ڵگراند




 

گوڵم!

دڵم پـڕه‌ له‌ ده‌رد و کوڵ

ئه‌ڵێم بڕۆم له‌ شاره‌که‌ت

... ئه‌ڵێم به‌ جامێ ئاوی کانیاوی دێیه‌که‌م

عیلاجی که‌م کوڵی دڵی پـڕم، له‌ ده‌ردی ئینتیزاره‌که‌ت

وه‌ڕه‌ز بوو گیانی من له‌ شار و هاڕه‌ هاڕی ئه‌و

له‌ ڕۆژی چڵکن و نه‌خۆش و تاو و یاوی شه‌و

ئه‌ڵێم بـڕۆم له‌ شاره‌که‌ت

...

له‌ شاری چاو له ‌به‌ر چرای نیئۆن شه‌واره‌که‌ت

بـڕۆمه‌ دێ که‌ مانگه‌ شه‌و بزێته‌ ناو بزه‌م

چلۆن بژیم له‌ شاره‌که‌ت

که‌ پـڕ به‌ دڵ دژی گزه‌م؟!

له‌ شاره‌که‌ت، که‌ ڕه‌مزی ئاسن و مناره‌یه‌

مه‌لی ئه‌وین غه‌واره‌یه‌

ئه‌ڵێی له‌ ده‌وری ده‌ست و پێم

ئه‌وه‌ی که‌ تێل و تان و ڕایه‌ڵه‌، که‌له‌پچه‌یه

‌ئه‌وه‌ی که‌ په‌یکه‌ره‌ میسالی داوه‌ڵه‌

ئه‌وه‌ی که‌ داره‌ تێله‌، مه‌زهه‌ری قه‌ناره‌یه

‌له‌ شاره‌که‌ت که‌مه‌ندی دووکه‌ڵه

‌که‌ دێته‌ ده‌ر له‌ ماڵی ده‌وڵه‌مه‌ند

و‌ تیشکی بێ‌گوناهی خۆره‌تاو ئه‌خاته‌ به‌ند

له‌ هه‌ر شه‌قام و کووچه‌یه‌ک شه‌پۆڕی شینه‌

دێ به‌ره‌و دڵم

ده‌ستی گه‌رمی ئاشنا نییه‌ که‌ ئه‌یگوشم

ده‌ستی چێوی‌یه

‌له‌ شاره‌که‌ت زه‌لیله‌ شێر،

باوی ڕێوی‌یه‌

به‌ هه‌ر نیگایه‌ک و په‌تایه‌که

‌ئه‌ڵێم بـڕۆم له‌ شاره‌که‌ت

گوڵم، هه‌رێمی زۆنگ و زه‌ل

چلۆن ئه‌بێته‌ جاڕه ‌گوڵ

له‌ شاری تۆ، له‌ بانی عه‌رشه‌ قۆنده‌ره‌ی دڕاو

شاره‌که‌ت

ئاسکه‌ جوانه‌که‌م!

ته‌سکه‌ بۆ ئه‌وین، بۆ خه‌فه‌ت هه‌راو

کێ له‌ شاری تۆ، له‌ شاری قاتڵی هه‌ژار

گوێ ئه‌داته‌ ئایه‌تی په‌ڕاوی دڵ؟

منێ که‌ گۆچی تاوی گه‌رمی به‌رده‌واره‌که‌ی عه‌شیره‌تم

به‌ داره‌ ته‌رمی کووچه‌کانی شا‌ره‌که‌ت

ڕانه‌هاتووه‌ له‌شم

بناری پڕبه‌هاری دێ

ڕه‌نگی سوور و شین ئه‌دا

له‌ شیعر و عاتیفه‌ی گه‌شم

ئه‌ڵێم بڕۆم له‌ شاره‌که‌ت گوڵم

 

سوارە ئیلخانیزادە



Writing at: 17 / 6 / 1391برچسب:گوڵم,شێعر کوردی,سوارە ئیلخانیزادە,Time: By: محمد پیش بینی| |


تابـــی سەر کوڵمت بوو کـــەوا زوڵفی بە بادا

یــا ڕۆژی ویساڵت شـەوی هیجرانی وەلادا..؟

 

خاڵی دەمتە یا مەگەسی حوققەیی شەککەر

یاخـــۆ حەبەشی زادە لـە نێو ئابـــی بەقادا..؟

 

خوێنین خگەرن تالیبی ئـــەو زادە دووعـــالەم

ئــەو جەوهەروە بۆ هیچە بە دوو عالەمی نادا

 

هەر تـــارە کەوا مەسکەنی بــارێ دڵ و روحە

سەد روحـــی بەبادا کە بە داو پەرچەمی بادا

 

بــــازاری شکا وەك دڵــــی زارم گــــوڵ و نافە

تـــاتــای سەری زوڵفی کە بەسەر عاریزیدا دا

 

ئەو زارە کەوا هەر بە تەبەسسوم هـەیە حاڵی

پیرێکە دەڵـــــێ گــــا لە بەقـــــا گـا لە فەنادا

 

حەیرەت زەدەیی نێرگس و ئەبرۆ(وەفــــــایی)

کـــافرنییە وا مەست و لـــە میحرابی دووعادا

 

شاعیری گەورەی کورد

(میرزا عبدالرحیمی سابڵاغی)

ناسراو بە

(وەفـــــــــــــــــــــایی) 

 





 

چ دەبێ گـــــەر لــــــە رەقیبم دڵــــــم ئـــازاری ببێ..؟

هــــەر گـــــوڵی بولبول بێ حوکمە دەبێ خاری ببێ

 

مانیعە بۆ گـــــوزەری دڵ لـــــە روخت زوڵفــی سیاە

گەنجی بێ هەر طەرەفی شەرطە دەبێ ماری ببێ

 

زەحمەتە عـــــوقدەیی خــــــاطر بە ویصـالت وا ببێ

قـــەدەغەی بۆسە دەکــــەی دا لەبی من باری ببێ

 

نایەڵـــی لەذذەتی وەصـڵت لـــــە دڵا جەوری رەقیب

شادمــــانیی نییە بـــۆ ئــــەو کەسە ئەغــیاری ببێ

 

لە ڕەهی کەشمە کەشا جــانی هەمیشە عـــەدەرە

عاشقی بـــــێ دڵ ئەگـــــەر دولبەر عـــەییاری ببێ

 

بە شەوێ ڕەنـگە بەدڵەد بێ لە غەم و طوولی فیراق

گـــەر طەبیبم وەکـــــوو مــــن دیدەیـــی بێداری ببێ

 

جان نیثاری ڕەهی جانانەیە (ســـــــــــــالم) بە ئەبەد

لە تەکــا تێغی جـــــەفا گـــــــەر دڵـــی ئینکاری ببێ

 

 





 دەڵێن جارێ له گوندێ ڕێبوارێ 

ببوو میوان لە ماڵی جووتیارێ
شەوێ،شێو ،شۆربه‌ماشی شۆر و شل بوو
کەبانوی ماڵ هەڵیلوشی تەغارێ
که هەستا ده‌فر و ئامانان وەکۆکا 
جڕێک هات هەروەکوو داتاشی دارێ
"دەڵێن میوان دەواری خانەخوێیه" 
وەکوو نەیبیستبێ خۆیدا کەنارێ
شەوێ جێیان لە بەر دەرگاوه چاکرد 
کرا رێبازی نێو ژوور و ‌حەسارێ
کەبانوو نیوەشەو گوو تاوی دایه 
هەڵات بۆ دەر،بە بارێ پێی بچارێ
نەگەییه دەر لە سەر میوان هەڵیڕشت 
وەکوو گامێش له سەر شینکەی بەهارێ
وتی میوان:کڵۆڵی هۆشی خۆمم 
"چما گوێی ئاو نەدام زرمەێ پلارێ"
که چەخماخەی ئەدا کونگت سەری شەو 
دەبوو بمزانیبا باران دەبارێ
 
"مامۆستا هەژاری موکریانی"


Writing at: 11 / 6 / 1391برچسب: دەڵێن جارێ له گوندێ ڕێبوارێ,هەژار موکریانی,شێعر کوردی,,Time: By: محمد پیش بینی| |


 

 

غەم لـــــەدڵ بۆ فەوتی شـادی مەیلی سەرخۆش دەکا

صبحی عیشقە شەمعی عەقڵم روو لـەخامۆشی دەکا

 

زولفــــی شەبرەنگت وەکـــــو رۆژە بــــەرێشان بـا نەبێ

وا سەحــاب ئـاســا لە رووتا قـــەصدی مەهپۆشی دەکا

 

بۆ ئــــەدابی تەعـــــزیەی من تورکی چــــاو مەستی یار

پرطەرەب هەردەم لە بەزمی عیشوە مەی نۆشی دەکا

 

داستانــی عشقی من فـــاشـــە لە هەر کوچە و سوقا

عقلی دێــــوانەم لەپــــاش ئەم حاڵە سر پـــۆشی دەکا

 

کــەثـــــرەتی ‌‌ضیعفم لــــە هیجرانا گەیشتمە مەر کەزی

دڵ لەسینەم دا بـەدایــــم مەشقی بــــێ هۆشی دەکا

 

دولبەری بـــــــاڵا بلندم گــــــــەر خـــــەرامـــــان بێ بەناز

سەروی گــــوڵزاری ئیرەم چۆن مەیلی مەدهۆشی دەکا

 

گەر نەوێری رێـــــی سەگی قاپیت بەرن بۆ جیی غەریب

(ســـــــــالم)ی مسکین لەدەرگا حلقە دەر گۆشی دەکا

 



Writing at: 11 / 6 / 1391برچسب:غەم لـــــەدڵ بۆ فەوتی شـادی مەیلی سەرخۆش دەکا,شێعر کوردی,سالم,Time: By: محمد پیش بینی| |


عەزیزم رۆحی شیرینم،دوو چاوم

دەوای زامی دڵ و جەرگی براوم

ئەتۆ شا من گەدا دادم بپرسە

لەزوڵمی چاوی بیمارت کوژراوم

ئەگەر نەیدەیتە دەست خۆم قاتیلی خۆم

لەرۆژی ئاخیرەتدا بێ پێناوم

لەباتی خوێنی خۆم رازیم بە ماچێ

دەسا بیدە، تا زیندووم و ماوم

مەکەن مەنعم لە شین ئەی رەفیقان

کەمن مەحزون و غەمین و دڵ شکاوم

لە ژینی خۆم ئومێدم قەتعە نالی

کە سوتاوە هەمو جەرگ و هەناوم

 

نالی 

 



Writing at: 10 / 6 / 1391برچسب:عەزیزم رۆحی شیرینم,دوو چاوم,شێعر کوردی,نالی,وینه,Time: By: محمد پیش بینی| |


 ڕووژین خۆشــــــــــــم ده‌ویی!



Writing at: 10 / 6 / 1391برچسب:ڕووژین خۆشــــــــــــم ده‌ویی!,Time: By: محمد پیش بینی| |


 ئەمــــە مانگێکە مــــن تــــۆم نەدیوە

یار ئەبــێ وابـێ..؟ نازداری بێ گەرد
 
تۆ هـــەر بزانە من چیـم بەسەر هات
زەحمەتـــی زۆرە و دەردەسەریم برد
 
سەرهەڵنابریت... لە خوا ناترسیت..؟
هــــەر جـارێ ناڵێی چۆنە محمەد(١)
 
ئاخـــــری کوشتت یـــــاری دڵسۆزت
ئەوەنــدەت پێ دا داخ و جەفـاو دەرد
 
(ویصـــــــــاڵی)بڕۆ با ئەویش وەك تۆ
نەختــــێ ببینێت مــــوکافــاتی بەرد
 
خۆیشت بکـــوژی هـــەر بـێ ئەمەرە
دەستت ناکەوێت غەیری سزا و دەرد
 
شاعیری گەورە کورد
(محمەدی کوری شێخ ئەحمەدی مەرەدۆخی)
ناسراو بە
(ویساڵی)
 
(١)محمد :مەبەست شاعیر خۆیەتی


Writing at: 10 / 6 / 1391برچسب: ئەمــــە مانگێکە مــــن تــــۆم نەدیوە,ویساڵی,شێعر کوردی,Time: By: محمد پیش بینی| |


 تۆم خۆش ده وێ گوڵێ

بێ تۆ من ناژیم تاوێ
با ژینم نه شێوێ
جێم مه هێله گولێ
به به هاری ته مه ن، زه رد هه ڵنه گه رێ
دڵم هه ر تۆی ده وێ، لێره بی یان له وێ
له به رچی نازانم، چه ندم خوش ده وێ
ئاخ له ده س ئه م دڵه م، بێ ئه و ناسراوێ



Writing at: 10 / 6 / 1391برچسب: تۆم خۆش ده وێ گوڵێ,شێعر کوردی,Time: By: محمد پیش بینی| |


About
زمانی کوردی خۆشترین زمانی سه‌ر زه‌وی.. چۆن بنووسرێ وا ده‌خوێندرێته‌وه‌... شانازی ده‌که‌م که‌ زمانی خۆمم هه‌یه‌...
ئاوێنـــــه :POWERED BY
last post
RSS
فرهنگ کردی به فارسی ھەنبانە بۆرینە Hanbana borina
نه‌شئه‌ی پیری
ئـــــــــــــــاوێـــــــــــنـه‌
عـــه‌رز كـــه‌ر وه‌ لـــه‌یـــلا وه‌ صـــه‌د خـــامـــه‌وه‌
چاوی تۆ قیبلەی عەشق و دڵداری
دابه‌زاندنی ئه‌لقه‌ی ۱ تا 93 چێشتی مجێور
وه‌سیه‌تنامه‌که‌ی شێرکۆ بێکەس
شێرکۆ بێکەس
«کوردستانی از زیباترین کلمات»
جــــــاده‌ چۆڵ و سێبه‌ر بوو
روژین پیش بینی
چاوه‌که‌م ئه‌مڕۆ له‌گوڵشه‌ن، گوڵ به‌ عیشوه‌ خۆی نواند
کولکه زێرینه
کولکه زێرینه
نه‌ورۆز
نەورۆز لە شیعری شاعرانی کورد
هـــــه‌ی شه‌می شــه‌وان
دڵى وام ناوێ
عادەتى ئەم چەرخە وایە، ئەهلى دڵ غەمگین ئەکا
بوکه باغانه
لەسەر ڕووت کازیبەی زولفت وەلابە
و صلى الله على ئەو بەحری نووری عیلم و عیرفانە
Abdulla Pashew
خـــەت و خـــاڵا و زولف و برژۆڵ لــــــەنزیک چـــــــاوی مەستە
لـێ یــان پـرســیــم بـیــری ئــەکــەیـت وەڵامــم نــەدایــەوەو ڕۆشــتـم دواتــر لــە بــەر خــۆمــە
چـاو مــه‌ســتـه‌ ده‌ هــه‌سـتــه‌ بــێــره‌ لام خــونـچـه‌ گـوڵـــم
سازی ئاواره‌
خانمه‌ موزیكژه‌نی كورد تارا جاف
مردن گوليكه هه رده م بونداره بو بون كردني گشت كه س به شداره
شێرکۆ بێکه‌س
خۆزگه‌ باران ده‌يزانی، باڵنده‌ كراسی زياده‌ی بۆ گۆڕين نييە.
هۆنراوەیک لە حەزرەتی وەفایی
وەفایی
شعر پاییز
این کهنه رباط را که عالم نام است
شه‌وگاری ته‌نیایی
کاتێک بینیم گەڵاکان زەردەبن و هەڵدەوەرن ...
چاوه‌که‌م زانیوته‌ بۆچی خه‌و له‌ چاوم ناکه‌وێ
هەمیشە وەک نێرگز خۆت دەربخە
جه‌ژنی سالیادی له دایک بونی رۆژین
دوو چاوم خوێن ئه‌بارێنێ له‌ عه‌شقی ڕوومه‌تی ئاڵت
خونچە دڵ بونم لەحەسرت لێــــــــوی تــۆیە، غونچە دەم..!
ئەلائەی نازەنینی شۆخی شۆخان
زۆر لـه مێـژه لـێڵ بوه چاوی دڵم له م شاره دا
گه‌یشتوم بە هەستی گه‌ڵایه‌ک کە ئه‌زانێ با لە هەر لایه‌که‌وە بێت کۆتاییەکەی هەر که‌وتنه
هەڵبەستی دەروون
Daily Links
Blog Links
Blog Archive
Blog Authors
Other Tools

Copyright © 2012 All Rights Reserved by awenakurd.loxblog.com - Des By : M.Pishbini**ئاوێنـــــه**